Բարբարա Բերլուսկոնին Հուսադրում է

Միլանի նախագահ Սիլվիո Բերլուսկոնիի դուստրը` Բարբարա Բերլուսկոնին, խոսել է Միլան ակումբի առկա խնդիրների մասին:

<<Թիմը պետք է զգա իր երկրպագուների հույսն ու հավատը: Ժամանակ պետք չէ ծախսել անիմաստ վեճերի ու քննադատության վրա: Մենք մուտք ենք գործում առաջնության կարևոր մի փուլ և դեռ բոլոր ուղղություններով առաջ ենք շարժվում: Ցավոք, շատ ֆուտբոլիստներ այժմ անհասանելի են` վնասվածքների պատճառով, իսկ մյուսներն էլ չեն կարող երեք օրը մեկ խաղադաշտ դուրս գալ>>, - հայտարարել է Բարբարա Բերլուսկոնին: