Չազենա 1 - 3 Միլան

Այսօր կայացավ Իտալիայի Ա սեչիայի 24-րդ տուրի Չազենա - Միլան հանդիպումը: Մրցաշարային աղյուսակի ետնապահ Չազենան սեփական հարկի տակ ընդունեց ներկայիս չեմպիոնին:

Միլանի հայտացուցակը Չազենայի դեմ հանդիպման համար

Միլանի գլխավոր մարզիչ Մասսիմիլիանո Ալլեգրին ներկայացրել է իր թիմի հայտացուցակը Չազենայի դեմ հանդիպման համար:

Մոնտոլիվոն դեռ չգիտի, թե որտեղ է շարունակելու իր կարիերան

Ֆիորենտինայի կիսապաշտպան Րիկարդո Մոնտոլիվոն հայտարարել է, որ չգիտի, թե որտեղ է շարունակելու իր կարիերան:

Ծնունդդ շնորհավոր Բաջիո

Այսօր Միլանի նախկին հարձակվող լեգենդար Ռոբերտո Բաջիոյի տարեդարձն է. նա դարձավ 45 տարեկան:

Արսեն Վենգերը դժգոհ է Սան-Սիրոյից

Արսենալի գլխավոր մարզիչ Արսեն Վենգերը, անհանգստացած է Սան-Սիրո մարզադաշտի խոտածածկի որակի կապակցությամբ: Վենգերը խաղադաշտում անհարթ տարածքներ է հայտնաբերել և կարծում է, որ դա կխանգարի իր սաներին:

Տակինարդի - Էլ-Շարավին ինձ հիշեցնում է երիտասարդ Դել Պիերոյին

Ալեսսիո Տակինարդին խոսոլ է Միլանի տաղանդավոր հարձակվող Էլ-Շարավիի մասին:

Գալլիանին Գոհ է

Միլանի փոխնախագահ Ադրիանո Գալլիանին խոսել է Ուդինեզե - Միլան հանդիպման արդյունքների մասին:

<<Ես չեմ տեսել Էլ-Շարավիի խփած գոլը, սակայն նախագահն ասաց, որ այն շատ գեղեցիկ է ստացվել: Կարևորն այն է, որ մենք այժմ առաջին հորիզոնականում ենք. այժմ պետք է հետևել Յուվենթուսի գործողություններին: Այսօր մենք հիանալի հաղթանակի հասանք, այն էլ` 14 վնասվածք ունեցող ֆուտբոլիստների բացակայության պայմաններում: Բրավո Էլ-Շարավի, Մասսիմո Ամբրոսինի և Մաքսի Լոպես: Այս հանդիպումը նման է անցած տարվա Կալիարիի դեմ հանդիպմանը, որից հետո ամեն ինչ փոխվեց դեպի դրականը>>, - հայտարարել է Գալլիանին:

Մաքսի Լոպեսը Խփեց Իր Առաջին Գոլը Միլանի Կազմում: Ուդինեզե 1 - 2 Միլան

Խաղը սկսվեց բավականին լուրջ պայքարով: Առաջին խաղակեսում խաղային առավելությունը Ուդինեզեի կողմն էր: Արագ հակագրոհների շնորհիվ, Ուդինեզեն ամբողջ առաջին խաղակեսը լարվածության մեջ էր պահում Միլանի դարպասը: Եվ հենց այս արագ հակագրոհներից մեկն էլ պսակվեց գոլով: 19-րդ րոպեին Ուդինեզեի փորձառու հարձակվող Դի Նատալեն գեղեցիկ հարվածով բացեց խաղի հաշիվը: Միլանը, մի քանի լավ գրոհ կարողացավ կազմակերպել, սակայն չկարողացավ եզրափակել դրանք: Առաջին խաղակեսն ավարտվեց 1-0 հօգուտ տան տերերի:

Երկրորդ խաղակեսում բացահայտ առավելությունը Միլանի կողմն էր: Խաղադաշտ դուրս ելած թիմի նորեկ Մաքսի Լոպեսը 77-րդ րոպեին հավասարեցրեց հաշիվը` 1-1: Շատ չանցած, Մաքսի Լոպեսի փոխանցումից Էլ-Շարավին գեղեցիկ գոլով առաջ մղեց իր թմին` 2-1:

Միլանը շատ կարևոր հաղթանակ տարավ Ուդինեզեի նկատմամբ և ընդհուպ մոտեցավ աղյուսակի առաջատարին` Յուվենթուսին:

Հիշեցնենք, որ թուրինցիները մեկ խաղ պակաս են անցկացրել, քանի որ Պարմայի դեմ հանդիպումը եղանակային անբարենպաստ պայմանների պատճառով հետաձգվել էր:

Դեմետրիո Ալբերտինին Ռոսսոներոների Պաշտպանն է

Միլանի նախկին լեգենդար կիսապաշտպան Դեմետրիո Ալբերտինին, խոսելով իտալական ֆուտբոլի մասին, պաշտպանել է ռոսսոներոներին` Իտալիայի գավաթի առաջին կիսաեզրափակիչ խաղում Յուվենթուսին պարտվելուց հետո:
<<Յուվենթուսը կարողացավ հաղթել Միլանին միայն իր նպատակասլացության շնորհիվ, ինչը, անկասկած, Կոնտեի շնորհքն է: Յուվեն այդ խաղում փորձում էր պարզել, թե կարող է արդյոք Միլանը մրցել իր հետ սկուդետտոյի համար: Յուվենթուսը շատ ավելի <<քաղցած>> է հաղթանակների առումով: Ես չեմ կարծում, որ այս պարտությունը ինչ-որ կերպ կանդրադառնա այս երկու թմերի վրա սկուդետտոյի համար պայքարում: Ընդհակառակը, ռոսսոներոները կփորձեն ռեվանշի հասնել մրցակցի նկատմամբ: Հաշվի առնելով, որ առաջնության ավարտին դեռ շատ ժամանակ կա, երկու ակումբների շանսերը կարելի է հավասար գնահատել>>, - հայտարարել է Դեմետրիո Ալբերտինին:

Ուդինեզե - Միլան Հանդպումից Առաջ

Միլանի գլխավոր մարզիչ Մասսիմիլիանո Ալլեգրին, այսօր հրապարակել է Ուդինեզեի դեմ հանդիպման համար հայտացուցակը: Հանդիպումը տեղի է ունենալու վաղը` Երևանի ժամանակով 21:30-ին: Սա Իտալիայի առաջնության 23-րդ տուրն է, և այն Միլանի համար չափազանց կարևոր է, քանի որ վերջերս թիմը գտնվում է ճգնաժամի մեջ:

Վաղը Միլանը կներկայանա հետևյալ կազմով.

Դարպասապահներ` Ամելիա, Ռոմա, Պիշիտելլի

Պաշտպաններ` Աբատե, Անտոնինի, Բոներա, Մեսբահ, Մեքսես, Տիագո Սիլվա, Ձամբրոտտա

Կիսապաշտպաններ` Ամբրոսինի, Էմանուելսոն, Նոչերինո, Զեդորֆ, Կրիստանտե, Իննոսենտի

Հարձակվողներ` Էլ-Շարավի, Ինձագի, Մաքսի Լոպես, Ռոբինիո:

Հիշեցնենք, որ Զլատան Իբրահիմովիչը և Վան Բոմելը որակազրկված են և հանդիպմանը չեն մասնակցի: