Մալդինի - Սկուդետտոյի ճակատագիրը որոշված չէ

Միլանի լեգենդներ պաշտպան Պաոլո Մալդինին հայտարարել է, որ սկուդետտոյի ճակատագիրը դեռ որոշված չէ:

Nostalgie: Ֆրանկո Բարեզի (Տեսանյութ)

Ֆրանկո Բարեզին ծնվել է 1960թ. մայիսի 8-ին Իտալիայի Տրավալիստո քաղաքում: Ֆրանկո Բարեզին համարվում է մոլորակի լավագույն պաշտպաններից մեկը: Նա երկար տարիներ հանդես է եկել իտալական Միլանում, և եղել է ռոսսոներիների անփոխարինելի ավագը: Ավագի պաշտոնում հետագայում նրան փոխարինեց մեկ այլ լեգենդար պաշտպան Պաոլո Մալդինին: Ընդհանրապես, այս երկու լեգենդար ֆուտբոլիստների կարիերան չափազանց բազմաբովանդակ է և նմանատիպ:

Ֆրանկո Բարեզին իր ամբողջ կարիերան անց է կացրել Միլանում` մասնակցելով 537 հանդիպման և խփելով 16 գոլ: Ցուցանիշ, որը բավականին տպավորիչ է պաշտպանի համար: Ֆրանկոն հանդես է եկել 6 համարի մարզաշապիկով, և Միլանի կազմում 6 անգամ հաղթել սկուդետտոն և երեք անգամ Չեմպիոնների լիգան: Իր կարիերայի վերջին տարիներին կենտրոնական պաշտպանական գոտում նրա անբաժան գործընկերը եղել է Պաոլո Մալդինին, ով շատ բան է սովորել Ֆրանկոյից:

Ֆրանկո Բարեզին իր ֆուտբոլային կարիերան ավարտեց 1997թ. 37 տարեկան հասակում: Այստեղ հարկ է հիշատակել նաև Ֆրանկո Բարեզիի եղբորը` Ջուզեպպե Բարեզիին, ով երկար տարիներ շարունակ եղել է Միլանի գլխավոր հակառակորդ Ինտերի անփոխարինելի ավագը:

Մինչ օրս էլ, Միլանի երկրպագուները հիշում են Ֆրանկո Բարեզիի հիասքանչ ելույթները Միլանում և հաճախ են պաստառներ ցուցադրում` Բարեզիին գովերգող խոսքերով և պատկերներով: Այո, իսկապես Ֆրանկո Բարեզին 20-րդ դարի լավագույն պաշտպաններից մեկն էր ամբողջ աշխարհում և համարվում էր իտալական պաշտպանության հիմնասյունը:

Ֆրանկո Բարեզին հավերժ կմնա ռոսսոներիների սրտերում և հիշողության մեջ: Սան-Սիրո մարզադաշտում երկրպագուները հաճախ են վանկարկում` <<Ֆորզա Միլան, Ֆորզա Բարեզի>>:

                        

Հանդիպում Միլանի և Րեյնջերսի լեգենդների միջև

Միլանի պաշտոնական կայքը հաղորդում է, որ մարտի 30-ին Այբրոքս մարզադաշտում, որը գտնվում է Գլասգոյում, տեղի կունենա շոտլանդական Րեյնջերսի և իտալական Միլանի լեգենդների միջև հանդիպումը: Այդ մրցավեճը բացառապես բարեգործական նպատակ ունի:

Ծնունդդ շնորհավոր Բաջիո

Այսօր Միլանի նախկին հարձակվող լեգենդար Ռոբերտո Բաջիոյի տարեդարձն է. նա դարձավ 45 տարեկան:

Nostalgie: Կարլո Անչելոտտի

Միլանի պատմության, ինչպես և մյուս գրանդ ակումբների պատմության մեջ, տաղանդավոր և լեգենդար անհատականություններ շատ կան: Հիշելով Միլանի պատմության մեծերին, կարելի է նշել Ջանի Րիվերային, Ֆրանկո Բարեզիին, Պաոլո Մալդինիին և շատ ու շատ ուրիշներին: Որպես լեգենդար մարզիչներ, երկրպագուների հիշողության մեջ առաջնային տեղ են զբաղեցնում Ներեո Ռոկկան, Արիգո Սակկին, Ֆաբիո Կապելլոն և այլք:

Այսօր մենք ցանկանում ենք պատմել մի մարդու մասին, ով իր մարզչական հմտություններով փոխեց Միլանը և դարձրեց այն գրեթե անկասելի. այդ մարդը Կարլո Անչելոտտին է:

Կարլո Անչելոտտին, բավականին հետաքրքիր ճանապարհ է անցել իր կարիերայի ընթացքում: Նրա մասին կարելի է նույնիսկ գիրք հրատարակել և հաջողություն ունենալ: Սակայն նրա մասին գիրք արդեն գոյություն ունի և այն գրված է հենց Անչելոտտիի ձեռքով: Գիրքը կոչվում է <<Իմ ընտրությունը գավաթն է>>, որտեղ մանրամասն ներկայացված է Անչելոտտիի մարզչական կարիերան` իր վերելքներով ու անկումներով: Մենք կփորձենք ներկայացնել նրա մարզչական կարիերան, բայց շեշտը, անկասկած, կդնենք Միլանում անցկացրած տարիների վրա:

Կարլո Անչելոտտին, ծնվել է 1959թ. հունիսի 10-ին: Նա մասնակցել է 1986 և 1990 թվականների աշխարհի առաջնություններին Իտալիայի Ազգային հավաքականի կազմում և խփել մեկ գոլ: Նրա ֆուտբոլային կարիերայում` որպես ֆուտբոլիստ, եղել է ընդամենը երեք նշանավոր ակումբ. դրանք են` Պարման, Ռոման և Միլանը: Ընդհանուր առմամբ, Անչելոտտին խաղացել է 338 հանդիպում և խփել 35 գոլ:

Երբ նա արդեն 33 տարեկան էր` որոշեց հրաժեշտ տալ մեծ ֆուտբոլին, որպես ֆուտբոլիստ, և սկսեց կերտել իր մարզչական ապագան: Իր նման որոշումը մեկնաբանեց այսպես. <<Ես չափազանց շատ գավաթներ եմ հաղթել և ցավերով դուրս գալ խաղադաշտ այդ տարիքում անիմաստ կլիներ: Չէի ցանկանա հիասթափվել այն աշխատանքից, որը ես շատ եմ սիրում>>:

Կարլո Անչելոտտին, իր մարզչական կարիերան սկսեց իտալական Ռեջջինայում և հենց այդ տարի էլ Ռեջջինան հայտնվեց Ա սերիայում:

Այնուհետև, երբ Կարլոն արդեն մարզում էր Պարման, թիմը Ա սերիայում զբաղեցրեց 2-րդ հորիզոնականը. դա արդեն նվաճում էր: Այդ ժամանակ Պարմայում էին հանդես գալիս Ջանլուիջջի Բուֆոնը և Ֆաբիո Կանավարոոն: Վերջինս 10 տարի հետո հարցազրույցներից մեկի ժամանակ հայտարարել էր, որ <<Չկա մի ուրիշ անձնավորություն, ով Անչելոտտիից լավ հասկանա ֆուտբոլիստներին: Նա մեզ համար և ընկեր էր, և հայր>>:

Պարմայից հետո Անչելոտտին դարձավ <<Ծեր Սենիորայի>>` Յուվենթուսի մարզիչը: Բնականաբար, նրանից միայն հաղթանակներ էին սպասում: Սակայն այդ առաջնությունում հաղթեց Լացիոն, իսկ հաջորդ տարի էլ` Ռոման: Յուվենթուսը երկրորդն էր: 2001 թվականին Անչելոտտին հեռացավ Յուվեից:

Ընդամենը վեց ամիս հետո Կարլոն դարձավ Միլանի գլխավոր մարզիչը: Անդրեյ Շեվչենկոն Ա սերիայի <<դիպուկահարից>> վերածվեց աշխարհի լավագույն ֆուտբոլիստներից մեկին: Անդրեա Պիրլոն դարձավ Միլանի ամենաառանցքային ֆուտբոլիստը, և դա, անկասկած, հաջողություն բերեց թմին:

<<Այդ տղան նման էր ինձ, երբ ես դեռ ֆուտբոլիստ էի: Դժվար էր Պիրլոյին համոզել փոխել իր դիրքը խաղադաշտում. նա կարծում էր, որ այդ գոտին չափազանց անհետաքրքիր է և անարդյունավետ: Ինձ հաջողվեց Պիրլոյին ապացուցել հակառակը>>, - հարցազրույցներից մեկում հայտարարել էր Անչելոտտին:

Միլանը, Անչելոտտիի գլխավորությամբ, 7 երկար տարիներ Եվրոպայում համարվում էր ամենահզոր ակումբը: Այդ տարիների ընթացքում Միլանը, Չեմպիոնների Լիգայում 4 անգամ հայտնվեց կիսաեզրափակիչում և 3 անգամ էլ` եզրափակիչում: 2007թ. Անչելոտտին նվաճեց տարվա լավագույն մարզչի տիտղոսը: 2008-2009 թվականների առաջնությունից հետո Անչելոտտին հեռացավ Միլանից և տեղափոխվեց անգլիական Չելսի, իսկ 2011թ. տեղափոխվեց ՊՍԺ:

Եվ ինչքան էլ Կարլոն հայտարարի, որ Իտալիա կվերադառնա միայն Ռոման մարզելու պարագայում, միևնույն է Միլանի երկրպագուները սպասում են նրան և հավատում, որ այդ օրը գալու է: Նրանց միջև հանդպումը կկայանա դեռ, իսկ այժմ հաջողություն մաղթենք Անչելոտտիին ՊՍԺ-ում:

Nostalgie: Պաոլո Մալդինի

Պաոլո Չեզարե Մալդինին իտալացի ֆուտբոլիստ է: Երկար տարիներ եղել է Իտալիայի ազգային հավաքականի և Միլան ակումբի ավագը: Պաոլո Մալդինին համարվում է Միլանի խորհրդանիշը: Նա խաղում էր ձախ և կենտրոնական պաշտպանական դիրքում: Պաոլոն հանրահայտ ֆուտբոլիստ Չեզարե Մալդինիի որդին է:

Պաոլո Մալդինին մեծացել է մեծ ընտանիքում. նրա ծնողները ունեցել են վեց երեխա: Պաոլոն ունի երկու իրենից փոքր եղբայր և իրենից մեծ երեք քույր: Մալդինին ամուսնացած է Ադրիանա Ֆոսսայի հետ և ունի երկու որդի` Քրիստիանը և Դանիելը:

Մալդինին դեռևս փոքր հասակում երազում էր ֆուտբոլիստ դառնալ և խաղալ Միլանում, ինչպես իր հայրը, որը Միլանի ավագն էր, և 1963թ. այս ակումբի հետ հաղթել էր Չեմպիոնների Լիգան:

Պաոլոյի, այսպես ասած, դեբյուտը տեղի ունեցավ 1985թ. հունվարի 20-ին, երբ նա ընդամենը 16 տարեկան էր: Հաջորդ տարում, նա արդեն համարվում էր առանցքային խաղացող Միլանի կազմում: Այնուհետև, նա դարձավ Միլանի խորհրդանիշը և արդեն 25 տարուց ավել է պահպանում է այդ բարձր պատիվը, թեկուզ և հրաժեշտ է տվել մեծ ֆուտբոլին:

Երբ Մալդինին ընդամենը 19 տարեկան էր, նրան հրավիրեցին Իտալիայի ազգային հավաքական: Մալդինին 2009թ. մայիսի 31-ին վերջին անգամ դուրս եկավ խաղադաշտ Միլանի կազմում, և այս տարեթիվը համարվում է Պաոլոյի կարիերայի ավարտը` որպես ֆուտբոլիստ:

Մալդինին, բացի ֆուտբոլից, ազատ ժամանակ աշխատում է հեռուստատեսությունում որպես հաղորդավար: Բացի այդ, Մալդինին ունի իր սեփական վիդեոխաղերի խանութը և <<Hollywood>> անունը կրող դիսկո-բառը, որտեղ միլանիստները հաճախ են տոնում իրենց հաղթանակները:

Հետաքրքիր է նաև այն փաստը, որ Մալդինիի <<3>> համարի մարզաշապիկը ոչ-ոք իրավունք չունի կրելու. այն պետք է պատկանի իր որդիներից մեկին, եթե նրանցից մեկը խաղա Միլանում:

Պաոլո Մալդինին, Միլանի համար միայն փառավոր լեգենդներից չէ, այլ նաև Միլանի հայելին է, Միլանի խորհրդանիշը: