Ալեսսանդրո Նեստա: Միլանը կարող է պայքարել Սկուդետտոյի համար

Միլանի նախկին պաշտպան, լեգենդար Ալեսսանդրո Նեստան խոսել է իտալական ֆուտբոլի և Միլանի մասին:

- Այո, իտալական ֆուտբոլը այժմ թուլացել է, սակայն դա ժամանակավոր է, քանի որ, բոլոր առաջնություններում նման բաներ լինում են: Միլանը ևս կորցրել է իր լավագույն ֆուտբոլիստներին, սակայն, իմ կարծիքով, դա չի խանգարի նրան պայքարել սկուդետտոյի համար: Ռոսսոներիները ամառային տրանսֆերային պատուհանի ժամանակ կարողացան բավականաչափ ձեռքբերումներ ունենալ և դա կօգնի նրանց մրցակցության մեջ մտնել Յուվենթուսի հետ, որը այժմ միակ ֆավորիտն է, - հայտարարել է Նեստան:

Գատուզո - Մեր թիմը բավականին ծերացել է

Միլանի փորձառու կիսապաշտպան Ջենարո Գատուզոն շնորհավորել է Յուվենթուսին` սկուդետտոյի նվաճման կապակցությամբ:

<<Մենք պետք է շնորհավորենք Յուվենթուսին, որը հիանալի մրցաշրջան անցկացրեց և առաջխաղացում արձանագրեց իտալական ֆուտբոլում: Մեր թիմը, ընդհանուր առմամբ, տուժվեց` այսքան վնասվածքների պատճառով, որոնց բացատրությունը գոյություն չունի: Մեր թիմը բավականին ծերացել է և թարմացում է պահանջում: Դա միշտ անհրաժեշտ է, եթե նույնիսկ թիմը հաղթանակներ է տանում: Ես պետք է քննարկեմ իմ ապագայի հարցը Ադրիանո Գալլիանիի հետ: Այս մրցաշրջանը շատ ծանր ստացվեց ինձ համար, բայց ես ցանկանում եմ խաղալ: Եթե այս ամենը հնարավոր չլինի, ապա կզբաղվեմ իմ երեխաների դաստիարակմամբ>>, - հայտարարել է Գատուզոն:

Զլատան Իբրահիմովիչ - Ցանկանում եմ մնալ Միլանում

Միլանի շվեդ հարձակվող Զլատան Իբրահիմովիչը Դերբի Դելլա Մադոննինայից հետո խոսել է իր կարիերայի մասին:

<<Ցավում եմ, որ չկարողացա հաղթել սկուդետտոն իմ կարիերայի լավագույն մրցաշրջանի ժամանակ: Սակայն ես գործող պայմանագիր ունեմ Միլանի հետ և ցանկանում եմ մնալ այստեղ>>, - հայտարարել է Զլատանը:

Հիշեցնենք, որ այս մրցաշրջանի ընթացքում Զլատան Իբրահիմովիչը 28 գոլի հեղինակ է դարձել և հավանաբար կարժանանա մրցաշրջանի լավագույն ռմբարկուի կոչմանը:

Ինտեր 4-2 Միլան (Տեսանյութ)

Միլանը, պարտվելով իր ոխերիմ հակառակորդ Ինտերին, իսկ Յուվենթուսը հաղթելով Կալիարիին, բաց թողեց իր հնարավաորությունը հաղթել սկուդետտոն: 2010-2011 թվականների մրցաշրջանում Ա սերիան հաղթեց Թուրինի Յուվենթուսը:

Շնորհավորում ենք Յուվենթուսին սկուդետտոն նվաճելու  և հիանալի մրցաշրջան անցկացնելու կապակցությամբ:

Ամբրոսինի - Հիանալի շանսեր կան

Միլանի բազմափորձ ավագ Մասսիմո Ամբրոսինին Ատալանտայի դեմ հանդիպումից հետո հայտարարել է, որ թիմը փոխվել է դեպի լավը:

<<Մինչև հանդիպման սկիզբը մենք գիտեինք, որ Յուվենթուսից ետ ենք մնում երեք միավորով, սակայն մրցավեճի ավարտից հետո նրանց առավելությունը մեր նկատմամբ կրճատվեց և այժմ մենք հիանալի շանսեր ունենք հաղթելու սկուդետտոն: Մեր նպատակին հասնելու համար պետք է հաղթել մնացած հանդիպումները>>, - հայտարարել է Ամբրոսինին:

Սալի Մունտարի - Ես աղոթում եմ Աստծուն

Միլանի կիսապաշտպան Սալի Մունտարին մեկնաբանել է Ատալանտայի դեմ հանդիպման արդյունքները:

<<Մենք բոլորս երջանիկ ենք: Ինձ հաջողվեց գոլի հեղինակ դառնալ, բայց այդ գործում մեծ էր իմ թիմակիցների դերակատարությունը: Ես աղոթում եմ Աստծուն մեր չեմպիոնության համար: Ես հույս ունեմ, որ կկարողանամ օգնել իմ թիմին նաև առաջիկա հանդիպումներին>>, - հայտարարել է Մունտարին:

Մասսիմիլիանո Ալլեգրի - Մունտարին շատ կարևոր գոլ խփեց

Միլանի գլխավոր մարզիչ Մասսիմիլիանո Ալլեգրին Իտալիայի Ա սերիայի 36-րդ տուրի Ատալանտայի դեմ հանդիպումից հետո մեկնաբանել է խաղի արդյունքները:ՙՙՙՙ՚՚

<<Մունտարին շատ կարևոր գոլ խփեց. դա մի քայլ առաջ էր չեմպիոնության համար պայքարում: Առջևում Ինտերի դեմ հանդիպումն է և այն, համոզված եմ, շատ դրամատիկ է ստացվելու: Մենք արդեն վաղը կսկսենք քրտնաջան մարզումները Ինտերի դեմ առաջիկա հանդիպման համար>>, - հայտարարել է Ալլեգրին: 

ՙՙՙՙՙՙ

Միլան 2 - 0 Ատալանտա (Տեսանյութ)

Երեկ տեղի ունեցավ Իտալիայի Ա սերիայի 36-րդ տուրի Միլան - Ատալանտա հանդիպումը, որն ավարտվեց ռոսսոներիների վստահ հաղթանակով` 2-0: Գոլի հեղինակներ դարձան Սալի Մունտարին և Ռոբինիոն:

Միլանի գլխավոր մրցակից Յուվենթուսը երեկ սեփական հարկի տակ ոչ-ոքի խաղաց լեչչեի հետ և այժմ նրանց առավելությունը ռոսսոներիների նկատմամբ կրճատվեց մինչև մեկ միավորի:

           

Միլանի հայտացուցակը Ատալանտայի դեմ հանդիպման համար

Սիրելի ընթերցողներ, Ձեր ուշադրությանն ենք ներկայացնում Միլանի հայտացուցակը Իտալիայի Ա սերիայի 36-րդ տուրի Ատալանտայի դեմ հանդիպման համար:

Դարպասապահներ` Աբբիատի, Ամելիա

Պաշտպաններ` Անտոնինի, Բոներա, Դե Շիլիո, Մեսբահ, Մեքսես, Նեստա, Յեպես

Կիսապաշտպաններ` Ամբրոսինի, Ակվիլանի, Բոատենգ, Ֆլամինի, Գատուզո, Մունտարի, Նոչերինո, Վան Բոմմել

Հարձակվողներ` Իբրահիմովիչ, Մաքսի Լոպես, Էլ-Շաարավի, Կասսանո, Ռոբինիո:

Հիշեցնենք, որ հանդիպումը տեղի է ունենալու այսօր` Սան-Սիրո մարզադաշտում, Երևանի ժամանակով 22:45-ին:

Մասսիմո Օդդո - Մենք կկանգնեցնենք Յուվենթուսին

Լեչչեի պաշտպան Մասսիմո Օդդոն մտադիր է մի մեծ նվեր մատուցել իր նախկին թիմի` Միլանի, համար: Օդդոն հայտարարել է, որ իր թիմը կկանգնեցի Յուվենթուսի հաղթարշավը:

<<Մենք մտադիր ենք կանգնեցնել Յուվենթուսի հաղթարշավը: Դա դժվար է անել, բայց մենք կանենք ամեն ինչ` մեր նպատակին հասնելու համար>>, - հայտարարել է Օդդոն:

Անտոնիո Կոնտեն սպասում է

Յուվենթուսի գլխավոր մարզիչ Անտոնիո Կոնտեն հայտարարել է, որ Միլանը ինքն է մեղավոր առկա խնդիրների և անհաջողությունների համար:

<<Շատ քիչ ժամանակ է մնացել իմանալու համար, թե ով կհաղթի սկուդետտոն: Եթե Միլանը մինչ օրս բողոքում է Մունտարիի չհաշված գոլի համար, ապա դա նրանց խնդիրն է: Միլանցիները իրենց իսկ ձեռքերից բաց թողեցին մեր նկատմամբ ունեցած առավելությունը և դա նրանց մեղքն է>>, - հայտարարել է Կոնտեն:

Կոնտե - Մենք մոտ ենք չեմպիոնական տիտղոսը նվաճելուն

Յուվենթուսի գլխավոր մարզիչ Անտոնիո Կոնտեն հայտարարել է, որ Յուվենթուսը մոտ է չեմպիոնության հասնելուն:

<<Մենք դժվար հանդիպում անցկացրեցին Նովարայի դեմ, սակայն թիմը այժմ գտնվում է գերազանց մարզավիճակում և մենք հաղթեցինք: Մենք մոտ ենք չեմպիոնական տիտղոսը նվաճելուն, բայց միլանը շարունակում է հետապնդել մեզ>>, - հայտարարել է Կոնտեն:

Մասսիմիլիանո Ալլեգրի - Միլանը շատ թանկ վճարեց վնասվածքների համար

Միլանի գլխավոր մարզիչ Մասսիմիլիանո Ալլեգրին Իտալիայի Ա սերիայի 35-րդ տուրի Սիեննայի դեմ հանդիպումից հետո մեկնաբանել է մրցավեճի արդյունքները:

<<Մենք շարունակում ենք հետապնդել Յուվենթուսին: Այժմ մենք պետք է հուսանք, որ թուրինցիները առաջիկա երեք հանդիպումներում միավորներ կկորցնեն: Միլանը շատ թանկ վճարեց վնասվածքների համար: Ես ցավում եմ, որ Միլանի համար այս դժվար ժամանակաշրջանում բոլոր լրատվամիջոցները ակտիվորեն քննարկում են իմ պայմանագրի հարցը>>, - հայտարարել է Ալլեգրին:

Անտոնիո Նոչերինո - Մենք պայքարելու ենք մինչև վերջ

Միլանի կիսապաշտպան Անտոնիո Նոչերինոն Սիեննայի նկատմամբ տարած հաղթանակից հետո պատմել է սկուդետտոյի համար պայքարում թիմի հետագա անելիքների մասին:

Իգնասիո Աբատե - Միլանը փառավոր ակումբ է

Միլանի պաշտպան Իգնասիո Աբատեն մեկնաբանել է Սիեննայի դեմ հանդիպման արդյունքները:

Սիեննա 1 - 4 Միլան (Տեսանյութ)

Երեկ տեղի ունեցավ Իտալիայի Ա սերիայի 35-րդ տուրի Սիեննա - Միլան հանդիպումը, որն ավարտվեց ռոսսոներիների ջախջախիչ հաղթանակով` 4-1:

Միլանի հայտացուցակը Սիեննայի դեմ հանդիպման համար

Սիրելի ընթերցողներ, Ձեր ուշադրությանն ենք ներկայացնում Միլանի հայտացուցակը Իտալիայի Ա սերիայի 35-րդ տուրի Սիեննայի դեմ հանդիպման համար:

Անդրեա Պիրլո - Այս մրցաշրջանը առանձնահատուկ է ինձ համար

Յուվենթուսի կիսապաշտպան Անդրեա Պիրլոն հայտարարել է, որ ռոսսոներիներն ու բիանկոներիները սկուդետտոյի համար պայքարելու են մինչև վերջ:

Մաքսի Լոպես - Ոչ ոք չի պատրաստվում հանձնվել

Միլանի հարձակվող Մաքսի Լոպեսը շարունակում է հավատալ ռոսսոներիների չեմպիոնությանը:

Կոնտե - Ալլեգրին ինձ ձանձրացնում է արդեն

Ինչպես հայտնում են իտալական լրատվամիջոցները, Յուվենթուսի գլխավոր մարզիչ Անտոնիո Կոնտեն անդրադարձել է Միլանի գլխավոր մարզիչ Մասսիմիլիանո Ալլեգրիի խոսքերին, թե Սալի Մունտարիի չհաշված գոլը Յուվենթուսի դարպասը կարող է զրկել ռոսսոներիներին սկուդետտոյից: