Մոնտոլիվոն նույնպես չի բացառում Միլան տեղափոխվելու տարբերակը

Ինչպես արդեն նշվել է, Միլանը հետաքրքրվում է Ֆիորենտինայի կիսապաշտպան Ռիկարդո Մոնտոլիվոյի ծառայություններով: Այսօր պարզ է դարձել, որ Մոնտոլիվոն նույնպես չի բացառում Միլան տեղափոխվելու տարբերակը:

Ֆլամինին կլքի Միլանը

Միլանի կիսապաշտպան Մատիե Ֆլամինին ամռանը կարող է տեղափոխվել Համբուրգ:

Շեվչենկոն ցանկանում է վերադառնալ Միլան

Միլանի նախկին հարձակվող Անդրեյ Շեվչենկոն Milan Channel-ին տված հարցազրույցում խոստովանել է, որ դեմ չէր լինի մեկ անգամ էլ փորձել իրեն Միլանի կազմում:

Մոնտոլիվոն մոտ է Միլանին

Ինչպես հայտնում է MilanNews.it-ը, Ֆիորենտինայի կիսապաշտպան Րիկարդո Մոնտոլիվոն նախնական համաձայնության է եկել Միլանի հետ: Տաղանդավոր կիսապաշտպանը Միլան կտեղափոխվի ամռանը, երբ Ֆիորենտինայի հետ իր պայմանագրի ժամկետը կավարտվի:

Մոնտոլիվոն դեռ չգիտի, թե որտեղ է շարունակելու իր կարիերան

Ֆիորենտինայի կիսապաշտպան Րիկարդո Մոնտոլիվոն հայտարարել է, որ չգիտի, թե որտեղ է շարունակելու իր կարիերան:

Իբրան Վան Պերսիին խորհուրդ է տալիս լքել Արսենալը

Միլանի շվեդ հարձակվող Զլատան Իբրահիմովիչը, խորհուրդ է տվել Վան Պերսիին լքել Արսենալը: 

Ռոսսո-հեղափոխություն Ամռանը

Ինչպես հայտնում է MilanNews.it-ը, չորս ամիս հետո Միլանում սկսվելու է իսկական հեղափոխություն: Հունիսին, ամենայն հավանականությամբ, ակումբի շարքերը կլքի Ալեշանդրե Պատոն, ով կտեղափոխվի ՊՍԺ: Հավանական գործարքը գնահատվում է 40 մլն. Եվրո: Այս գումարները ակումբին թույլ կտան համալրել իր կազմը ուժեղ և տաղանդավոր ֆուտբոլիստներով:

Պայմանագրերը Յեպեսի և Ձամբրոտտայի հետ չեն երկարաձգվի: Սակայն Նեստան, հավանաբար կմնա Միլանում: Արեդո Բրեյդան և Ադրիանո Գալլիանին մտադիր են ձեռք բերել Բոկա - Հունիոորսում հանդես եկող տաղանդավոր Դեդեին, Ֆաբիո Ֆերեիրոյին Բուրաֆոգոյից, Մեհդի Բոնատիոյին ու Դանիլլոյին Ուդինեզեից:

Կիսապաշտպանական գոտում, բացի Մոնտոլիվոյից, Գալլիանին կփորձի ձեռք բերել նաև Կվադվո Ասամոային:

Ֆիլիպպո Ինձագին, հավանաբար կավարտի իր կարիերան: Ռոբինիոն և Զեդորֆը, հնարավոր է լքեն ակումբը: Նրանց փոխարեն հանդես կգան Բալոտելլին և Տևեսը: Իսկ ահա Սիլվիո Բերլուսկոնին, նորից կփորձի ձեռք բերել բրազիլացի կիսապաշտպան Կակային, քանի որ նրա կարծիքով, բրազիլացին ամենալավ փլեյմեյկերն է աշխարհում:

Դեվիդ Բեկհեմը կարոտել է Միլանը

Լոս-Անջելես Գալաքսիի կիսապաշտպան, լեգենդար Դեվիդ Բեկհեմը, ում վերջերս ցանկանում էր ձեռք բերել ՊՍԺ-ը, հայտարարել է, որ հաճախ է կարոտում Միլանը:
<<Ես ամեն օր մտածում եմ Միլանի մասին: Միլանելլոյում յուրահատուկ և հիանալի էներգիա կար: Ես այնտեղ շատ ընկերներ ունեի: Միլանում ես կարծես նորից երիտասարդացած լինեի, ինչպես ժամանակին Մանչեսթեր Յունայթեդում էի: Ես շատ եմ կարոտել Իտալիան>>, - հայտարարել է Բեկհեմը:

Գալլիանին Կրկին Լռում է

Եվրոպական լրատվամիջոցները լռում են: Կառլոս Տևեսի պատմությունը, առաջացնելով լարված իրարանցում, կարծես թե չէր էլ եղել: Ամբողջ տրանսֆերային վերջին օրվա ընթացքում և մինչև հիմա, ոչ մի տեղեկություններ չկան ոչ Տևեսից, ոչ իր գործակալից և ոչ էլ Ադրիանո Գալլիանիից:
Մինչև հիմա ուզում ենք հավատալ, որ այս ամենը հենց այնպես չէ: Գալլիանին չի երևացել լրագրողների աչքերին այն բանից հետո, երբ առավոտյան պաշտոնապես ներկայացվեց Մաքսի Լոպեսը` որպես Միլանի ֆուտբոլիստ: Գալլիանին հենց այսպիսի անձնավորություն է, ով ոչ մի դեպքում չի հանձնվում, և իր առջև դրած նպատակներին միշտ հասնում է: Եթե Տևեսի տրանսֆերի համար գումարը Բերլուսկոնիի ընտանիքը տրամադրել է, ապա ենթադրում ենք, որ Գալիիանին մինչև վերջ կգնար` Տևեսին գնելու համար:

Համենայնդեպս, Կառլոս Տևեսի տեղափոխությունը դեռևս հնարավոր է: Կան կարծիքներ, որ Տևեսի տրանսֆերը կայացել է, սակայն դրա մասին պաշտոնական հայտարարություն դեռ չի արվել:

Տրանսֆերային Պատուհանի Վերջին Օրը

Միլանի  փոխնախագահ Ադրիանո Գալլիանին, խոսել է տրանսֆերային պատուհանի վերջին օրվա մասին:
Այս ձմեռ <<Ռոսսոներոները>> արդեն համալրվել են Մաքսի Լոպեսով և Մեսբահով, ինչպես նաև վերադարձրել են Ստրասսերին և Ալեքսանդր Մերկելին, որոնք այլ ակումբներում հանդես էին գալիս վարձավճարով:Ընդհանրապես, ընդունված է, որ շատ ակումբներ իրենց գլխավոր ձեռքբերումները թողնում են տրանսֆերային պատուհանի փակման օրը: Եվ բացառված չէ, որ Միլանը այնուամենայնիվ կարող է պայմանագիր ստորագրել Կառլոս Տևեսի հետ:

<<Շուկան չաձազանց դինամիկ զարգացող է և վերջին օրը կարող է տեղի ունենալ ամեն բան: Իմ հեռախոսին զանգահարում են 30 վայրկյանը մեկ>>, - ասել է Գալլիանին:

<<Ես չեմ ասում, որ Տևեսը կտեղափոխվի մեզ մոտ: Համենայնդեպս, անցած տրանսֆերային գործունեությունս ինձ ապացուցում է, որ գուշակություններով պետք չէ զբաղվել: Եթե Մանչեսթեր Սիթիի նախագահը զանգահարի ինձ և առաջարկի ստորագրել պայմանագիր Տևսի գնման վերաբերյալ, ապա նա կտեղափոխվի Միլան: Սակայն չեմ կարծում, որ այդպիսի բան տեղի կունենա>>, - հայտարարել է գալլիանին:

Միլանի փոխնախագահն անդրադարձել է նաև Ինձագիի հնարավոր տրանսֆերի հարցին և նշել, որ, եթե Ինձագին ցանկանա տեղափոխվել Լացիո, ապա Միլանը չի խանգարի նրան:

<<Երեկ Պիպպոն չխոսեց Լացիո տեղափոխվելու իր մտադրությունների մասին: Ես կարծում եմ, որ ամենայն հավանականությամբ, նա կմնա մեզ մոտ>>, - ավելացրել է Գալլիանին: